លោកជំទាវ បាន ស្រីមុំការបោះឆ្នោត ជ្រើសរើសតំណាងរាស្ត្រ នីតិកាលទី៧ ត្រូវបានមតិជាតិ និង អន្តរជាតិ វាយតម្លៃថា ល្អប្រសើរ ជាងការបោះឆ្នោតមុនៗ

ប៉ៃលិន៖ លោកជំទាវបាន ស្រីមុំអភិបាលខេត្ត ប៉ៃលិន ការបោះឆ្នោត ជ្រើសរើសតំណាងរាស្ត្រ នីតិកាលទី៧ ឆ្នាំ២០២៣ នេះ ត្រូវបានមតិជាតិ និង អន្តរជាតិ ធ្វើការវាយតម្លៃថា មានលក្ខណៈល្អប្រសើរ ជាងការបោះឆ្នោតមុនៗ ដែលនេះជាការសរបញ្ជាក់អោយឃើញថា កម្ពុជា បាននឹង កំពុងឈានទៅមុខ ក្នុងការអនុវត្តន៍លិទ្ធិប្រជាធិ បតេយ្យ សេរីពហុបក្ស ស្របតាមទិសដៅត្រឹមត្រូវ ។
លោកជំទាវបានថ្លែងក្នុងឧកាសសន្និបាត បូកសរុប ការងារបោះ ឆ្នោត ជ្រើសរើសតំណាងរាស្ត្រ នីតិកាលទី៧ ឆ្នាំ២០២៣ កាលពីថ្ងៃទី០៣ ខែសីហា ឆ្នាំ២០២៣ របស់គណៈកម្មការរៀបចំការបោះឆ្នោត ខេត្តប៉ៃលិនដោយមានការមានការចូលរួមពីសំណាក់ លោក-លោកស្រី នៃលេខាធិការដ្ឋានរៀបចំការបោះឆ្នោតខេត្ត សាលាដំបូងខេត្ត មន្ទីរអង្គភាពជុំវិញខេត្ត កងកម្លាំង ប្រដាប់អាវុធ ទាំង ៣ប្រភេទ អភិបាលក្រុង/ស្រុក មេឃុំ/ចៅសង្កាត់ មន្ត្រីរៀបចំការបោះឆ្នោត តំណាងគណបក្សនយោគបាយ និងអង្គការ សង្គម ស៊ីវិល ផងដែរ ។
ក្រៅពីការលើកឡើងខាងលើលោកជំទាវ បាន ស្រីមុំលែងនូវការកោតសរសើរ ចំពោះគណៈកម្មការរៀបចំការបោះ ឆ្នោត ខេត្ត និងអាជ្ញាធរមានសមត្ថកិច្ច គណបក្សនយោបាយ អ្នកសង្កេតការណ៍ជាតិ អន្តរជាតិ អ្នកពាក់ព័ន្ធនានា ព្រមទាំង ប្រជាពលរដ្ឋទាំងអស់ ដែលបានចូលរួមអនុវត្ត ន៍ គោរពច្បាប់ បទបញ្ជា នីតិវិធី និងក្រមសីលធម៌សម្រាប់ការបោះឆ្នោត ប្រកបដោយស្មារតីទទួលខុសត្រូវ និង សេចក្តីថ្លៃថ្នូរ ធ្វើអោយការពិនិត្យបញ្ជីឈ្មោះបោះឆ្នោត ការចុះឈ្មោះបោះឆ្នោត និង ការបោះឆ្នោត ជ្រើសរើសតំណាងរាស្ត្រ នីតិកាលទី៧ ឆ្នាំ២០២៣ នេះ ប្រព្រឹត្តទៅក្នុងបរិយាកាសស្ងប់ ស្ងាត់ខាងផ្នែក នយោបាយ មានសន្តិសុខ សុវត្ថិភាព និងសណ្តាប់ធ្នាប់សាធារណៈល្អ ព្រមទាំងមានការចូលរួមត្រួតពិនិត្យ និងសង្កេត ការណ៍ ជាសាក្សី ពីអ្នកសង្កេតការណ៍បោះឆ្នោត និងភ្នាក់ងារគណបក្សនយោបាយផងដែរ ។
ជាមួយគ្នានោះលោកជំទាវក៍បានណែនាំដល់មន្ត្រីជំនាញពាក់ព័ន្ធ អាជ្ញាធរ ក្រុង/ស្រុក ឃុំ/សង្កាត់ រួមទាំងសមត្ថកិច្ចទាំងអស់ ត្រូវបង្កើនកិច្ចសហការអោយបានកាន់តែល្អ ជាមួយគណៈកម្មការ រៀប ចំ ការបោះឆ្នោតខេត្ត គ្រប់លំដាប់ថ្នាក់ និង អ្នកពាកព័ន្ធផ្សេងៗទៀត ក្នុងការពង្រឹងសន្តិ ភាព ស្ថិរភាពនយោបាយ សន្តិសុខ សណ្តាប់ធ្នាប់សង្គម អោយកាន់តែល្អប្រសើរ សម្រាប់ការបោះឆ្នោតអណត្តិបន្តៗទៀត ។
សូមបញ្ជក់ថាបើយោងតាមលោក ចេង ញ៉ាន់ ប្រធានគណៈកម្មការរៀបចំការបោះឆ្នោត ខេត្តប៉ៃលិន បាន អោយដឹងថា៖ សម្រាប់ការបោះឆ្នោតជ្រើសរើសតំណាងរាស្ត្រ នីតិកាលទី៧ ឆ្នាំ២០២៣ នេះ នៅខេត្តប៉ៃលិន មាន គណបក្សនយោបាយចំនួន ១០ ចូលរួមប្រកួតប្រជែង ដោយមានការិយាល័យបោះឆ្នោតចំនួន ១២២ការិយាល័យ ក្នុង នោះ ប្រជាពលរដ្ឋ មានឈ្មោះក្នុងបញ្ចីបោះឆ្នោត ចំនួន ៤៥.៧៤០នាក់ ស្រី ២៣.២៤៩នាក់ និងមានអ្នកសង្កេត ការណ៍សរុបចំនួន ៤១៧នាក់ ស្រី ២២៧នាក់ មកពី ៨ស្ថាប័ន ហើយលទ្ធផលបោះឆ្នោតបឋមទូទាំងខេត្តរួមមាន៖ គណបក្សខ្មែរតែមួយ ទទួលបាន ១៦៦សម្លេង, គណបក្សសញ្ជាតិកម្ពុជា ទទួលបាន ៦៨សម្លេង, គណបក្សខ្មែររួបរួមជាតិ ទទួលបាន ៤៣៥សម្លេង, គណបក្សស្ត្រីដើម្បីស្ត្រី ទទួលបាន ១៥០សម្លេង, គណបក្សខ្មែរឈប់ក្រ ទទួលបាន ១៤៩សម្លេង, គណបក្សហ៊្វុនស៊ិនប៉ិច ទទួលបាន ២៤៩២សម្លេង, គណបក្សធម្មាធិបតេយ្យ ទទួលបាន ១៨២សម្លេង, គណបក្សយុវជនកម្ពុជា ទទួលបាន ៣៧០សម្លេង, គណបក្សជនជាតិដើមប្រជាធិបតេយ្យកម្ពុជា ទទួលបាន ២៦២សម្លេង និងគណបក្សប្រជាជនកម្ពុជា ទទួលបាន ៣០៩៨៧សម្លេង ។