នគរបាលស្រុកបាណន់ ឃាត់ខ្លួនជនសង្ស័យ០២នាក់ ពីបទ រក្សាទុកសារធាតុញៀន
បាត់ដំបង ៖ កម្លាំងផ្នែកប្រឆាំងគ្រឿងញៀននៃអធិការដ្ឋាននគរបាលស្រុកបាណន់ សហការជាមួយកម្លាំងប៉ុស្តិ៍នគរបាលរដ្ឋបាលតាគ្រាម បានចុះប្រតិបត្តិការបង្ក្រាបករណីរក្សាទុកដោយខុសច្បាប់នូវសារធាតុញៀនមួយករណីក្នុងបទល្មើសជាក់ស្តែង។
លោកវរសេនីយ៍ទោ ហេង បារាំង អធិការនគរបាលស្រុកបាណន់ បានបញ្ជាក់ថា កិច្ចប្រតិបត្តិការខាងលើនេះធ្វើឡើងនៅវេលាម៉ោង១០និង២០នាទី ថ្ងៃទី៨ ខែមិថុនា ឆ្នាំ២០២៥ នៅចំណុចក្នុងមូលដ្ឋានឃុំតាគ្រាម ស្រុកបាណន់ ខេត្តបាត់ដំបង ដដោយបានឃាត់ខ្លួនជនសង្ស័យ២នាក់ ម្នាក់ឈ្មោះ នៅ ណែវ ភេទប្រុស អាយុ៣៦ឆ្នាំ រស់នៅភូមិអង្លង់ស្វាយ ឃុំតាគ្រាម ស្រុកបាណន់ ននិងម្នាក់ទៀតឈ្មោះ វង់ ប៉ុល ភេទប្រុសអាយុ៣៣ឆ្នាំ រស់នៅភូមិតាង៉ែន ឃុំតាគ្រាម ស្រុកបាណន់ ជាមួយវត្ថុតាងម្សៅក្រាមពណ៌សថ្លាចំនួន ០៤ថង់ , ទូរស័ព្ទដៃ០២គ្រឿង និងសម្ភារ:ពាក់ព័ន្ធសម្រាប់ប្រេីប្រាស់គ្រឿងញៀនមួយចំនួន។
ក្រោយពីឃាត់ខ្លួន បច្ចុប្បន្នជនសង្ស័យទាំង២នាក់ខាងលេី រួមជាមួយវត្ថុតាង ត្រូវបានកម្លាំងជំនាញនៃអធិការដ្ឋាននគរបាលស្រុកបាណន់ កំពុងកសាងសំណុំរឿងដេីម្បីអនុវត្តបន្តតាមនីតិវីធីច្បាប់ ៕
ដោយ ៖ សាលី