ឃាត់ខ្លួនជនសង្ស័យម្នាក់ ក្រោយយកកាំបិតខ្វែវ កាប់បុរសម្នាក់អោយរបួសធ្ងន់
បាត់ដំបង ៖ កម្លាំងនៃអធិការដ្ឋាននគរបាលស្រុកសង្កែ សហការជាមួយកម្លាំងប៉ុស្តិ៍នគរបាលរដ្ឋបាលអូរដំបង១ បានចុះស្រាវជ្រាវស៊េីបអង្កេត រហូតបង្រ្កាបឃាត់ខ្លួនជនសង្ស័យម្នាក់ ពាក់ព័ន្ធក្នុងករណីហិង្សាដោយចេតនាមានស្ថានទម្ងន់ទោស ។
លោកវរសេនីយ៍ទោ យុត តុងហូ អធិការនគរបាលស្រុកសង្កែ បានអោយដឹងថា កិច្ចប្រតិបត្តិការខាងលើនេះធ្វើឡើងនៅវេលាម៉ោង ១៩និង០០នាទី ថ្ងៃទី០៥ ខែសីហា ឆ្នាំ២០២៣ នៅចំណុចក្រុមទី២០ ភូមិអូរស្រឡៅ ឃុំអូរដំបង១ ស្រុកសង្កែ ខេត្តបាត់ដំបង ។
ជនសង្ស័យត្រូវបានឃាត់ខ្លួនឈ្មោះ វឿន ចាន់ទេ ភេទប្រុស អាយុ៣៦ឆ្នាំ មានទីលំនៅភូមិអូរស្រឡៅ ឃុំអូរដំបង១ ស្រុកសង្កែ ខេត្តបាត់ដំបង បានធ្វេីសកម្មភាពយកកាំបិតខ្វែវកាប់ទៅលេីជនរងគ្រោះឈ្មោះ យន់ យ៉េន ភេទប្រុស អាយុ២៤ឆ្នាំ មានទីលំនៅចំណុចកេីតហេតុខាងលេី ត្រូវចំក្បាលផ្នែកខាងស្តាំមួយកន្លែង និងត្រូវចំដៃខាងស្តាំមួយកន្លែង ។
ក្រោយពេលឃាត់ខ្លួន ជនសង្ស័យនិងវត្ថុតាងខាងលើ កំពុងត្រូវបានកម្លាំងជំនាញ កសាងសំណុំរឿងបញ្ជូនតាមនីតិវិធីច្បាប់ ៕
ដោយ ៖ សាលី