បិទវគ្គបណ្តុះបណ្តាល ស្តីពីបច្ចេកទេសស៉ើបអង្គេតឧក្រិដ្ឋកម្មហិរញ្ញវត្ថុកាស៉ីណូ ដល់សិក្ខាកាមនគរបាលខេត្តបន្ទាយមានជ័យ

បន្ទាយមានជ័យ៖ វគ្គបណ្តុះបណ្តាល ស្តីពីបច្ចេកទេសស៉ើបអង្គេតឧក្រិដ្ឋកម្មហិរញ្ញវត្ថុកាស៉ីណូ ដល់សិក្ខាកាមជានគរបាលខេត្តបន្ទាយមានជ័យចំនួន៥៦នាក់ដែលមានរយះពេល១០ថ្ងៃចាប់ពីថ្ងៃទី៤កញ្ញា២០២៣បានបញ្ចប់ហើយនៅព្រឹកថ្ងៃទី១៥ ខែកញ្ញា ឆ្នាំ២០២៣នេះ ។
ពិធីបិទវគ្គនេះប្រព្រឹត្តទៅក្រោមការចូលរួមពីសំណាក់លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ នៅស្នងការដ្ឋាននគរបាលខេត្តក៍មានការចូលរួមពី លោក លោកស្រី ឧត្តមសេនីយ៍ត្រី វរសេនីយ៍ ស្នងការរង ចំនួន១១រូប លោក លោកស្រី នាយ នាយរងការិយាល័យជំនាញ លោកអធិការ អធិការរងគ្រប់បណ្តាក្រុងស្រុក មេបញ្ជាការវរ:ទាំង៤ និងសិក្ខាកាមចូលរួមវគ្គចំនួន៥៦រូប ស្រី១រូប។
លោកឧត្តមសេនីយ៍ត្រី ចាប សុផាឬទ្ធិ ស្នងការរង ទទួលផែនការងារប្រឆាំងបទល្មើសសេដ្ឋកិច្ច បានរាយការណ៍បូកសរុប លទ្ធផលបើកវគ្គបំប៉នដល់សិក្ខានៅនឹងកន្លែង។ វគ្គសិក្សានេះមានសិក្ខាកាម៥៦នាក់ មានគ្រូឧទ្ទេស៣រូប សិក្សាលើ៩មុខវិជ្ជា រយះពេល២សប្តាហ៍។ ក្រោយសិក្សាអាចវាយតម្លៃបានថា សិក្ខាកាមបានយកចិត្តទុកដាក់ យល់ដឹងច្បាស់និងទទួលបានលទ្ធផលល្អ គួរជាទីមោទនៈ។
លោកឧត្តមសេនីយ៍ទោ សិទ្ធិ ឡោះ បានកោតសរសើរនិងវាយតម្លៃខ្ពស់ចំពោះ លោក លោកស្រី ឧត្តមសេនីយ៍ត្រី ដែលបានប្រឹងប្រែងទាំងការងារស្នូល និងការងារបណ្តុះបណ្តាល និងចែករំលែកចំណេះដឹង ដល់សិក្ខាកាម។ ក្រោយទទួលបានការរៀនសូត្រសូម សិក្ខាកាមជានគរបាលទាំងអស់ត្រូវ យកចំណេះ ជំនាញ វិជ្ជាជីវ: ទាំងនេះទៅប្រើប្រាស់ ដើម្បីអនុវត្តន៍នីតិវិធី ការងារប្រចាំថ្ងៃឲ្យមានប្រសិទ្ធិភាព។
លោកឧត្តមសេនីយ៍ទោស្នងការ ក៏បានជម្រុញដល់ថ្នាក់ដឹកនាំគ្រប់អង្គភាពជំនាញ លោកអធិការនគរបាលគ្រប់ក្រុង-ស្រុក មេបញ្ជាការវរ:ទាំង៤ ត្រូវពង្រឹងនិងយកចិត្តទុកដាក់បង្ក្រាប រាល់-បទល្មើសព្រហ្មទណ្ឌ -បទល្មើសជួញដូរគ្រឿងញៀន និងបទល្មើសជួញដូរមនុស្សនិងអាជីវកម្មផ្លូវភេទគ្រប់ទំរង់៕