លោកជំទាវ បាន ស្រីមុំ ចុះពិនិត្យស្រូវប្រាំង របស់ប្រជាកសិករ ដែលកំពុងរងគ្រោះរាំងស្ងួត

ប៉ៃលិន ៖ ពេញមួយថ្ងៃ ថ្ងៃទី១៦ ខែកុម្ភៈ ឆ្នាំ២០២៤ លោកជំទាវ បាន ស្រីមុំ អភិបាល នៃគណៈអភិបាលខេត្តប៉ៃលិន អមដំណើរដោយមន្ត្រីជំនាញ និងក្រុមការងារ បានអញ្ជើញចុះពនិត្យស្រូវប្រាំង របស់បងប្អូនប្រជាកសិករនៅភូមិដីស និងភូមិអូរដូនតា ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ដែលកំពុងជួបគ្រោះរាំងស្ងួត ដើម្បីរកដំណោះស្រាយធ្វើការជួយសង្គ្រោះបានទាន់ពេលវេលា ។

បន្ទាប់ពីការចុះពិនិត្យស្រូវប្រាំងរបស់ប្រជាកសិករខាងលើ លោកជំទាវបណ្ឌិត បាន ស្រីមុំ ក៏បានបន្តដឹកនាំមន្ត្រីជំនាញ និងក្រុមការងារ បានអញ្ជើញចុះពិនិត្យមើលការប្រកបមុខរបរដាំដុះដំណាំបន្លែរបស់បងប្អូនប្រជាកសិករ នៅភូមិព្រៃសន្ទះ និងភូមិផ្ទះស្បូវ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន ដើម្បីផ្គត់ផ្គង់ទីផ្សារនៅក្នុងខេត្ត និងក្រៅខេត្ត។

សូមបញ្ជក់ថា លោកជំទាវបណ្ឌិត បាន ស្រីមុំ តែងចុះជាប់ជាមួយពលរដ្ឋគ្រប់មជ្ឈដ្ឋាន ជាពិសេសនៅពេលដែលពលរដ្ឋជួបបញ្ហា ដូចជា ដំណាំកសិផលជួបគ្រោះរាំងស្ងួត គ្មានទីផ្សារ ពលរដ្ឋខ្វះខាត់ រងភាពអយុត្តិធម៌ជាដើម ៕