មនុស្ស០៣នាក់ រងរបួសធ្ងន់ស្រាល ក្នុងហេតុការណ៍ម៉ូតូ០២គ្រឿងបុកគ្នា

បាត់ដំបង ៖ យ៉ាងហោចណាស់មនុស្សប្រុសស្រីចំនួន០៣នាក់ បានរងរបួសធ្ងន់និងស្រាល ក្នុងហេតុការណ៍ម៉ូតូពីរគ្រឿង បុកគ្នាកាលពីវេលាម៉ោង ១៨និង៥០នាទី ថ្ងៃទី១៩ ខែកុម្ភៈ ឆ្នាំ២០២៤ នៅលើកំណាត់ផ្លួវ១៥៧១ ត្រង់ចំណុចស្ពានចិន ស្ថិតក្នុងភូមិ​ឥន្ទជិត ឃុំឈេីទាល ស្រុកបាណន់ ខេត្ដបាត់ដំបង ។

ប្រភពនៅកន្លែងកើតហេតុ បានប្រាប់ថា នៅមុនពេលកើតហេតុគេឃើញម៉ូតូម៉ាក​ហុងដាស៊ូមម័រX ពណ៌ស សេរីឆ្នាំ២០១៨ មួយគ្រឿង ពាក់ស្លាកលេខបាត់ដំបង 1Y-8900 បេីកបរដោយឈ្មោះ សម្បត្តិ​ ផាមឿង ភេទស្រី អាយុ២៣ឆ្នាំ រស់នៅភូមិកំពង់អំពិល ឃុំវត្ត​តាមិម ស្រុកសង្កែ​ ខេត្តបាត់ដំបង និងអ្នករួមដំណើរជាស្រ្តីម្នាក់ ក្នុងទិសដៅពីត្បូងទៅជើង លុះមកដល់ចំណុចកើតហេតុខាងលើក៏ស្រាប់តែមានម៉ូតូម៉ាកស្មាស់រ៉េវ៉ូ ពណ៌ខ្មៅមួយគ្រឿង ពាក់ស្លាកលេខ បាត់ដំបង1C-4119 បេីកបរដោយឈ្មោះ យ៉ុង​ សារ៉េន ភេទប្រុសអាយុ៤១ឆ្នាំ រស់នៅភូមិបត់​សាលា ឃុំឈេីទាល ស្រុកបាណន់ ខេត្ដបាត់ដំបង បានបេីកបរទិសដៅពីជើងទៅត្បូង ក្នុងស្ថានភាពស្រវឹងហើយមិនប្រកាន់ស្តាំ បបានរ៉េចង្កូតទៅបុកគ្នាពេញទំហឹងបណ្តាលអោយរងរបួសស្រាល ចំណែកភាគីខាងម៉ូតូស៊ូមម័រX រងរបួសធ្ងន់ស្រាល០២នាក់។

ក្រោយពេលកើតហេតុ សមត្ថកិច្ចនគរបាលជំនាញបានចុះទៅដឹកបញ្ជូនជនរងគ្រោះទៅសង្រ្គោះព្យាបាលនៅមន្ទីរ ពេទ្យ ចំណែកមធ្យោបាយទាំងពីរត្រូវបានសមត្ដកិច្ចយកមករក្សារទុកនៅប៉ុស្ដិ៍នគរបាលរដ្ឋបាលឈើទាល ដើម្បីចាត់ការបន្តតាមនីតិវិធី៕
ដោយ ៖ សាលី