ឯកឧត្តម លី ធុជ ៖ ជាង៣០ឆ្នាំមន្រ្តីជំនាញរកឃើញគ្រាប់រហូតជាង ៤លានគ្រាប់ និងសំអាតផ្ទៃដីបានជាង ៣២៩៧គីឡូម៉ែត្រក្រឡា

បាត់ដំបង ៖ ថ្លែងក្នុងវគ្គបណ្តុះបណ្តាល ស្តីពី ការផ្តល់សារអប់រំអំពីគ្រោះថ្នាក់ដោយសារយុទ្ធភណ្ឌគ្រឿងផ្ទុះ ដល់កងកម្លាំងនគរបាលខេត្តបាត់ដំបង និងប៉ៃលិន ជាង៨០នាក់ នៅសណ្ឋាគារខេមរា នាថ្ងៃទី០៤ ខែមិថុនា ឆ្នាំ២០២៥នេះ ឯកឧត្តមបណ្ឌិត លី ធុជ ទេសរដ្ឋមន្ដ្រីទទួលបន្ទុកបេសកកម្មពិសេស និងជាអនុប្រធានទី១អាជ្ញាធរមីន បានមានប្រសាសន៍ថា ជាង៣០ឆ្នាំមន្រ្តីជំនាញរកឃើញគ្រាប់រហូតជាង ៤លានគ្រាប់ និងសំអាតផ្ទៃដីបានជាង ៣២៩៧គីឡូម៉ែត្រក្រឡា។

ក្នុងឱកាសនោះឯកឧត្តមក៏បាន កោតសរសើរនិងថ្លែងអំណរអគុណទៅដល់កងកម្លាំងនគរបាលជាតិទាំងអស់ដែលបានចូលរួមជួយភ្លាមៗអន្តរាគមន៍សង្រ្គោះប្រជាជនដែលជួបគ្រោះថ្នាក់ម្តងៗ ហើយក៏សូមអរគុណដល់កងទ័ពជួរមុខដែលជាង៣០ឆ្នាំមកនេះ ដោយមានការសហការពីប្រទេសជិតខាង ជាពិសេស ស៊ីម៉ាក់ ដែលបានជួយដោះស្រាយបោសសំអាតគ្រាប់រំសេវ គ្រាប់មីនបានរហូតចំនួនជាង ៤លានគ្រាប់ ស្មើផ្ទៃដីជាង ៣២៩៧គីឡូម៉ែត្រក្រឡា ដែលនេះជាការជោគជ័យដ៏ធំមួយ។

បន្ថែមពីនេះ ឯកឧត្តមក៏បានស្មើអោយសិក្ខាកាមទាំងអស់ /ទី១-សូមឱ្យយកចិត្តទុកដាក់និងយកចំណេះដឹងដែលបានពីវគ្គបណ្តុះបណ្ដាលដែលអាជ្ញាធរមីននិងអង្គភាពស៊ីម៉ាក់បានផ្ដល់ជូនយកទៅអប់រំបន្តដល់ប្រជាពលរដ្ឋនៅក្នុងសហគមន៍ ដើម្បីកុំអោយប្រជាជនយើងបន្តស្លាប់និងគ្រោះថ្នាក់  /ទី២-ជំរុញការអនុវត្តស្តង់ដាជាតិនៅកម្ពុជា ស្តីពីការអប់រំនិងគ្រោះថ្នាក់ដើម្បីធានាគុណភាពក្នុងការផ្ដល់សេវាអប់រុំទៅដល់ប្រជាពលរដ្ឋ /ទី៣-ចូលរួមផ្សព្វផ្សាយនិងជំរុញការអនុវត្តច្បាប់ស្ដីពីការគ្រប់គ្រងអាវុធជាតិផ្ទុះនិងគ្រាប់រំសេវ  /ទី៤-បន្តអនុវត្តតួនាទីនិងភារកិច្ចរបស់ខ្លួនឲ្យកាន់តែសកម្មបន្ថែមទៀតទិសដៅសំខាន់ការងារអប់រំ លើកកម្ពស់ការយល់ដឹងអំពីច្បាប់ /ទី៥- ពង្រឹង ទប់ស្កាត់ ដកហូតនៅជនទាំងឡាយណាដែលយកគ្រាប់មកទុកដើម្បីកែច្នៃ ៕

ដោយ ៖ សាលី