អគ្គិភ័យបានឆាបឆេះពំនូកចំបើង ០១កន្លែង នៅស្រុកថ្មគោល

បាត់ដំបង ពំនូកចំបើង០១កន្លែងត្រូវបានអគ្គិភ័យឆាបឆេះ ផ្អើលទាំងប្រជាពលរដ្ឋក៏ដូចជាសមត្ថកិច្ចចេញអន្តរាគមន៍ពន្លត់នៅវេលាម៉ោង ១២និង០០នាទី ថ្ងៃទី០៤ ខែមិថុនា ឆ្នាំ២០២៥ នៅចំណុចភូមិព្រៃលាវចាស់ ស្ថិតក្នុងក្រុមទី២៤ ភូមិថ្មី ឃុំបន្សាយត្រែង ស្រុកថ្មគោល ខេត្តបាត់ដំបង ។

ករណីអគ្គិភ័យខាងលើនេះដែរបណ្ដាលឱ្យឆេះពំនូកចំបើងចំនួន០១កន្លែង ខូចខាតទាំងស្រុង តែមិនបណ្ដាលឱ្យរងគ្រោះថ្នាក់ដល់មនុស្សនិងសត្វឡើយ ដែលម្ចាស់ផ្ទះឈ្មោះ យ៉ន ម៉ាញ ភេទប្រុស អាយុ ៣០ឆ្នាំ រស់នៅភូមិថ្មី ឃុំបន្សាយត្រែង ស្រុកថ្មគោល ខេត្តបាត់ដំបង ។

នៅក្នុងហេតុការណ៍គ្រោះអគ្គិភ័យនេះដែរភ្លាមៗនោះសមត្ថកិច្ចបានចេញរថយន្តអគ្គិភ័យស្រុកចំនួន០១គ្រឿងចុះទៅអន្តរាគមន៍ពន្លត់ដោយប្រើប្រាស់ទឹកអស់ចំនួន ០៣ឡាន ចំណែកមូលហេតុកំពុងធ្វើការស្រាវជ្រាវ  ៕

ដោយ ៖ សាលី