បុរសម្នាក់ ព្រោះតែវិបត្តិគ្រួសារ បានធ្វើអត្តឃាតដោយលោតទឹកសម្លាប់ខ្លួន

បាត់ដំបង ៖ បុរសម្នាក់ព្រោះតែវិបត្តិគ្រួសារ បានធ្វើអត្តឃាតដោយលោតទឹកសម្លាប់ខ្លួនកាលពីវេលាម៉ោង ២២និង៥០នាទី ថ្ងៃទី០៩ ខែកញ្ញា ឆ្នាំ២០២៥ នៅត្រង់ចំណុចភូមិអូរដូនពៅ ឃុំឃ្លាំងមាស ស្រុកបវេល ខេត្តបាត់ដំបង និងប្រទះឃើញនៅវេលាម៉ោង ១៨និង១០នាទី ថ្ងៃទី១០ ខែកញ្ញា ឆ្នាំ២០២៥។

សមត្ថកិច្ចបានបញ្ជាក់ថា ជនរងគ្រោះមានឈ្មោះ រីង រ៉េត ភេទប្រុស អាយុ ១៨ឆ្នាំ មុខរបរកម្មករសំណង់ មានទីលំនៅភូមិកំពង់ភ្នៅ ឃុំបវេល ស្រុកបវេល ខេត្តបាត់ដំបង បានធ្វើអត្តឃាតដោយលោតទឹកសម្លាប់ខ្លួនព្រោះតែវិបត្តិគ្រួសារ។

ក្រោយពីធ្វើការត្រួតពិនិត្យដោយមន្រ្តីជំនាញកោសល្យវិច្ច័យ និងក្រុមគ្រូពេទ្យ បូករួមនិងចម្លើយសាក្សី សមត្ថកិច្ចបានសន្និដ្ឋានថា ជនរងគ្រោះពិតជាស្លាប់ដោយសារលង់ទឹកពិតប្រាកដ បន្ទាប់មកបានប្រគល់អោយក្រុមគ្រួសារយកទៅរៀបចំធ្វើបុណ្យតាមប្រពៃណី ៕

ដោយ ៖ សាលី