ឧត្តមសេនីយ៍ទោ ដាញ់ អេងប៊ុនចាន់ ៖ កងកម្លាំងនគរបាលត្រៀមលក្ខណៈទទួលនិងអនុវត្តបទបញ្ជារបស់ថ្នាក់ដឹកនាំគ្រប់ពេលវេលា
បាត់ដំបង ៖ ក្នុងឱកាសដឹកនាំកិច្ចប្រជុំបូកសរុបសភាពការណ៍លទ្ធផលការងារប្រចាំខែតុលា និងលេីកទិសដៅការងារខែ វិច្ឆិកា ឆ្នាំ២០២៥ របស់ស្នងការដ្ឋាននគរបាលខេត្តបាត់ដំបង នាព្រឹកថ្ងៃទី២១ ខែ តុលា ឆ្នាំ២០២៥ ស្របតាមអនុសាសន៍ដ៏ខ្ពង់ខ្ពស់របស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ ដាញ់ អេងប៊ុន ចាន់ ស្នងការនៃស្នងការដ្ឋាននគរបាលខេត្តបាត់ដំបង បានជម្រុញអោយកងកម្លាំងនគរបាលត្រៀមលក្ខណៈទទួលនិងអនុវត្តបទបញ្ជារបស់ថ្នាក់ដឹកនាំគ្រប់ពេលវេលា។
ក្នុងនោះដែរ លោកឧត្តមសេនីយ៍ទោស្នងការ បញ្ជាឱ្យកងកម្លាំងនគរបាលទាំងអស់ត្រៀមលក្ខណៈសម្បត្តិគ្រប់គ្រាន់ ចាំទទួលនិងអនុវត្តបទបញ្ជារបស់ថ្នាក់ដឹកនាំគ្រប់ពេលវេលាដេីម្បីកិច្ចការពារបូរណ:ភាពទឹកដី និងប្រឆាំងរាល់អំពេីល្មេីសច្បាប់គ្រប់ប្រភេទក្នុងភូមិសាស្រ្តទទួលខុសត្រូវ ។
ក្រៅពីនោះនគរបាលត្រូវបង្ការទប់ស្កាត់ និងបង្រ្កាបទាន់ពេលនូវបទល្មេីសល្បែងស៊ីសងខុសច្បាប់គ្រប់ប្រភេទ បទល្មេីសតាមប្រព័ន្ធ internet Scams online បេីកេីតមាននៅមូលដ្ឋានណា មូលដ្ឋាននោះត្រូវក្តាប់បានដេីម្បីចាត់វិធានការបង្រ្កាបទាន់ពេលវេលា៕
ដោយ ៖ សាលី